Jarduera fisiko eta
kirolen zientzietako lau gazte gara, amankomunean euskal pilotari buruzko
interesa dugunok. Hau ikusita, aurkezten dizuegun proiektua aurrera eramateko
erabakia hartu dugu.
Gure
ideia euskal pilota sustatzea eta espezialitate ezberdinak aisiaren bitartez
gehiago ezagutaraztea da. Horretarako "pilota festa" deituriko
jaiak ospatuko ditugu. Lau jai egingo ditugu 2016ko udan zehar (Gazteizen,
Bilbon, Iruñan eta Donostian). Jai hauek hiri hauen frontoietan burutuko dira
(Zubieta salbuespena izanda). Jaiak egin ahal izateko, udaletxeen laguntza
eskatuko dugu, beraz, antolatzailea erakunde publiko bat izango da.
Gure
asmoa familia osoarentzat bideratutako ekitaldia izatea da, festa eguna ez da
lehiaketak egiteko, euskal pilota hobeto ezagutzeko eta ondo pasatzeko baizik.
Horretarako, espezialitate ezberdinekin jolas ezberdinak landuko ditugu.
Festen egitura:
Festak igandean izango dira, 9etan
hasiko dira eta 16:30tan amaituko dira. Esan dugun moduan, aipatutako hirien
frontoietan izango dira. Frontoietan taldeak egingo dira eta talde bakoitzak
lau tailer burutu beharko ditu.
Tailerrak ordu bateko iraupena izango
dute eta honakoak izango dira:
- Takoak egiteko eta jartzeko tailerra
- Pilotak egiteko tailera
- 1.espezialitatea*
- 2.espezialitatea*
* Espezialitateak ezberdinak izango dira
festa bakoitzean.
Talde bakoitzak hirugarren tailerra burutu ondoren, bazkaria eskeiniko zaie. Bazkari hau lurraldearen ohiko janaria izango da. Ondoren, atsedenaldi bat egongo da eta amaitzeko taldeei geratzen zaien tailerra burutuko dute.
Egun osoan zehar, musika egongo da giroa animatzeko. Gainera, Festa bakoitzaren atsedenaldian, txapelketa profesionaleko hurrengo jaurdunaldiarako 5 sarrera zozketatuko dira, aurretik, izena ematean egokitutako zenbakiarekin.